1962 ರಲ್ಲಿ ಸ್ಥಾಪಿಸಲಾದ SJJMHS ಮೂಲತಃ ಬಾಲಕರಿಗೆ ಪ್ರೌಢಶಿಕ್ಷಣ ನೀಡುವ ಶಾಲೆಯಾಗಿದ್ದಿತ್ತು, 2005 ರಲ್ಲಿ ಸಹ-ಶಿಕ್ಷಣ ( Co-education) ವ್ಯವಸ್ಥೆಗೆ ಪರಿವರ್ತನೆಗೊಂಡಿತು. ಇದು ಕನ್ನಡ ಮಾಧ್ಯಮ ಶಾಲೆಯಾಗಿದ್ದು ಸಾಹಿತ್ಯ, ವಿಜ್ಞಾನ ಪ್ರದರ್ಶನಗಳು ಮತ್ತು ಸಮಾಜ ಜಾಗೃತಿ ಕಾರ್ಯಕ್ರಮಗಳನ್ನು ಒಳಗೊಂಡಂತೆ ಸಮಗ್ರ ಶಿಕ್ಷಣದ ಮೂಲಕ ವಿದ್ಯಾರ್ಥಿಗಳಲ್ಲಿ ಬೌದ್ಧಿಕ ಮತ್ತು ಭಾವನಾತ್ಮಕ ಬೆಳವಣಿಗೆಯನ್ನು ಆಶಿಸುತ್ತದೆ. ಇಲ್ಲಿಯ ವಿದ್ಯಾರ್ಥಿಗಳು ಇಲಾಖೆಯ NSS, NTSC, ಪರೀಕ್ಷೆ ಗಳ ಮೂಲಕ ವಿದ್ಯಾರ್ಥಿವೇತನಗಳಿಗೆ ಭಾಜನರಾಗಿದ್ದಾರೆ. ಅಲ್ಲದೆ ಡ್ರಾಯಿಂಗ್, ಪುಟಾಣಿ ವಿಜ್ಞಾನಗಳಂತಹ ಪರೀಕ್ಷೆ ಗಳ ಸೌಲಭ್ಯಗಳನ್ನು ಹೊಂದಿರುತ್ತಾರೆ. ಶಾಲೆಯ ವಾತಾವರಣವು ವಿದ್ಯಾರ್ಥಿಗಳಿಗೆ ಶೈಕ್ಷಣಿಕವಾಗಿ ಮತ್ತು ವೈಯಕ್ತಿಕವಾಗಿ ಉತ್ತಮ ಸಾಧನೆ ಮಾಡಲು ಸಹಾಯ ಮಾಡುತ್ತದೆ.